Paalala: Kung ikaw ay kasalukuyang umiinom ng Starbucks habang binabasa ito, naliligaw ka ata, kapatid. Mabuti sanang iyong pindutin ang link na ito upang ikaw may ma-direct sa Instagram page. Hindi ako yung taong nag ge-genralize at hindi ko sinasabing lahat ng makikitang tao sa mga sumusunod na babanggitin ko ay kabilang na sa kanila. Opinyon lamang ito at kung magiging keyboard warrior ka dahil sa post na ito, pasensya na.
Kung hindi mo pinindot yung link papunta sa website na nagpo-promote ng photo albums ng kape na may frosting sa tuktok, mabuhay! Ibig sabihin, handa ka sa ating pag-uusapan ngayon. Isang usapang totoo, usapang hindi bubuwelo, usapang makatotohanan at diretso ang pagbibitaw.
Sino nga ba ang paksa natin ngayon? Sa pagbasa mo palang ng paalala, alam mo na iyon panigurado. Kung hindi, ayos lang din yan! Dahil interesado ka, ipapaliwanag namin sila sayo ng mabuti. Ang pag-uusapan natin ay walang iba kundi ang mga paboritong tao ng Fault Finding Society of the Philippines o FFSP dahil sa kanilang misyon na umakyat sa tuktok ng Mt. Lipunan. Sa simpleng salita, sila ang mga social climbers sa panahon ngayon.
Hindi sila kalaban, hindi rin sila kawatan. Kung ilalarawan ko sila, sila yung katumbas ng keyboard warriors na kung hindi mo pa nababasa ay i-click mo muna ang link na
ito. Ang pagkakaiba lang nila, mayayaman sila at may pambili ng kape na may frosting sa tuktok. Oo, tama ang pagkakabasa mo. Mahilig sila magkape hindi dahil gusto nila manatiling gising, kundi dahil sa tingin nila, isang disenteng coffeehouse ang basehan ng pagiging mataas sa lipunan.
Kagaya ng karamihan, nasa middle-class sila kung mamuhay. Ang problema lang, sila yung kadalasan naii-spoil ng magulang kaya’t panay gastos nila sa mga hindi ganon kahalagang bagay.
Ay, bago ko pa makalimutan. Nag-aaral din sila. Yung iba pa nga ay nasa prestihiyosong unibersidad pa. Pero sa kasamaang palad, ginagamit nila ang kaalaman nila para magmukhang nangingibabaw at nakatataas.
Anong sabi mo? Saan sila matatagpuan? Kung ninanais mo talaga silang makita, sige, bibigyan kita ng tips kung saan sila maaaring makita.
1. Starbucks Coffee – Hindi ko sinasabutahe ang brand ng kape na ito. Kadalasan lang, karamihan sa kanila ang tumatambay dito para sa libreng wifi at para sa disenteng instagram post(or pwede na rin dahil hindi nila alam kung paano gumamit ng coffee maker). Paborito nila ang frappuccino kasi nga may frosting ito sa tuktok, at maganda para sa kanilang IG feed. Hindi naman lahat ng umiinom ng frappuccino ay matuturing na nating social climber. Obserbahan mo sila, pag may naglabas ng cellphone at kumuha ng litrato ng kanilang iniinom, wag ka na magtaka dahil isa na siyang…
2. Bonifacio Global City – Kilala natin itong lugar na to dahil sa mala-Estados Unidos nitong itsura. Pero gaya natin, kilala rin ito ng mga paborito natin dahil may taglay silang radar ng mga “must visit” places dito sa Metro para makagapang. Uulitin ko, hindi lahat ng nagpupunta rito ay social climber. Kadalasan, makikita mo lang yung social climbers sa kalsada. Sila yung mga skateboard boys na mahahaba kung magsuot ng damit. Ay bago ko pa makalimutan, kung gusto mo makahanap ng tropa sa BGC, subukan mong sumabay sa night life nila. Wag kang papasok sa clubs, obserbahan mo lang yung mga papasok sa club galing sa shuttle bus. Pag nakakita ka na kahit isa, wag ka na magtaka dahil isa na siyang…
3. Facebook – Oo, tama ang pagkakabasa mo. Tama ka. Laganap din dito ang mga paborito natin. Sa papaanong paraan? Sila yung madalas mag status lalo na pag pumupunta sa Ayala Alabang, pero kakain lang naman sa fast food chain. Sila rin yung diretso magtagalog pag kausap mo sa personal, at bigla bigla nalang nagiging english master sa social media para sa magandang publicity. At tsaka nga pala, pag may kaibigan kang wala namang event, pero nag photo shoot sa isang mall, wag ka na mag taka dahil isa na siyang…
4. Instagram – Hindi talaga natin makakalimutan to! Mapagbibigyan pa natin ang twitter, pero ito hindi! Ayoko na magpaliwanag pa dahil nasabi ko na ito sa simula. Nagiging platform na ito ng mga social climbers para maipost nila ang photo album ng kanilang mga luho sa buhay. Hindi naman kasi mawawala sa mundong ito yung mga “instagrammable” brands kahit anong inis natin sa mga ito. Kasama na rito ang mga Janoski na parehas ng mga design at sa kulay lang naiiba, mga Rastaclat na ganoon din ang katangian, GoPro video nila habang ginagapang ang Mt. Lipunan, at higit sa lahat at numero uno sa isinagawang survey, ang paborito nilang kape na may frosting sa tuktok. Pag may kaibigan kang ganito, i-unfollow mo na, unless handa ka makita ang posts ng isang
5. Aircon – Ito na ang pinaka nakakatuwang spot na pwede mo silang matagpuan. Nagseselfie sila kung minsan na may katabing aircon para iparamdam sa iba na “may aircon kami at kayo wala”. Oo, may mga taong ganyan. Mga taong hindi mo alam kung anong gustong ipaglaban. Sabagay, yung iba nga nagpupunta lang sa mall para magpalamig kasi nga may aircon. Nakapaka underrated man, selfies with that embedded computer tells us one thing. Those people are, damn yes, a
https://shoutoutmanila.wordpress.com/2015/08/02/social-status-climber/
